bÄrnEr frAktIOn

[ipluethi]

hey giele (hie wird bärndütsch gredt) :mrliqui:

we scho dr ganz club ging im züribiet isch, so weimer hie doch o mau chönne gmüetlech zäme höckle... säget eis mau öichi ideene, wo u wenn u we überhoupt u wie regu- oder unregumässig mer mitnag weis es käfeli oder es bierli näh....

blaubi würd natürlech na schoffüert wärde, ämu solang är uf pouseschautig isch :devil:

heit dr interässe, de zeigets oh

stef

 

[Minismu]

Re: Berner Fraktion

blaubi würd natürlech na schoffüert wärde, ämu solang är uf pouseschautig isch :devil:

stef

u was isch mit dene wo dr mini im winterschlaf hei :twisted:

a stef we scho bärndütsch gret wird de sötsch dr fred titu ändere i

Bärner Fraktion oder so :devil: :wink:

inträsse isch da :winke02:

 

[roger1312]

auso inträsse esch scho do!

ich hät ou scho es passends clublokau. wie wärs met em riders? :wink:

das gob secher en kuuli sach

auso ou vo minere site besteit inträsse :devil:

 

[ipluethi]

ui ja, tüemer luege, öhm winterschlaf? das isch doch e sünd :mrliquid:

öhm s'räiders steit aber doch nid ir bärner fraktionsgägend - aber mir nähs mau in betracht

stef

 

[roger1312]

u söscht chönt me ja ou is road house oder wie das heist. döt z lohn
das wär doch no e beiz

 

[ipluethi]

jä du meinsch ume z'road-stop in lohn-ammannsegg, iu, das wär na e idee, das würd ja o biz ir region ligge u bärner u thuner hätte maximal drüviertu stung bis derthäre... u gueti börger gäbs ja o

stef

 

[roger1312]

iiu genau das meini :mrps:

 

[Yellow Storm]

Aber isch de Solothurn eigentlich Bärn?.......... :wink:

Und no ä anderi frag, isch mä us " Ussidler " eigentlich ono Bärner ?

 

[ipluethi]

Aber isch de Solothurn eigentlich Bärn?.......... :wink:

öhm, solothurn isch zwar eigeständig, aber i gloube die grossi interässensgmeinschaft isch us em bereich solothurn-bis thun, eventuel o na biz gäg murte-friburg, u drumm zieh mer das quasi als nordweschtschwiizer fraktion z'bärn zäme :mrliquid:

Und no ä anderi frag, isch mä us " Ussidler " eigentlich ono Bärner ?

eh ja, mindeschtens i dim fau scho - bisch ja nid us hass zur heimet uszoge, sondern wiud z'bärn kener gränze chasch bewache :mrliquid:

stef

 

[Blaubaer]

ja auso da chämi de im Fau oooomaaaau...dir müüüesst chliii läääängsääämer schriiiiiiibe, so wääägem Kliiiiischeeeeeeeee.... 8O

Daaa's aber jaaa itz soooo vieeeeu immmer z'fiiiiire git und soooo, würdi sääääge mache miiir das dooch de maaaau im Febi oder Märzli, da haaani nämlich deee mis Bütteli ooo wieder..

 

[ipluethi]

eh, im dezämber gloubi nid das na öpper zyt hätti :mrliquid:

stef

 

[Minismu]

z1001 zrubigä wär doch o es iidelli (hüffe parkplätz)

oder eis um thun

oder tanne zollikoffä ( het weni parkplätz)

oder zmezgerhüsi zwaugringe (hüffe parkplätz)

 

[SirRichi]

Hallo Stef, höi zäme

I wär süsch au drbi, wenn meh als Grenchner au darf.... :wink:

Road Stop z'Lohn isch no guet, au zum Ässe isch es amigs no ganz interessant

Gruess

Richiiiiii

 

[ipluethi]

usnahmswiis würdemer gränchner o mit ibezieh :mrliquid:

lach, klar si gränchner erlaubt

stef

 

[Miniflitzer]

sälüüüüüü zämä!

fingi super sach, dass das mau ufgriffe worde isch. i bervorzuge säubschtverständlech ou d region bärn aus träffpunkt :devil:

zytpunktmässig würdi ou eher ersch ab ändi februar vorschla...

und damiti ono ä location-vorschlag bringe ;-) : chrüz in wohle!
-gnue parkplätz
-5 min ab outobahnusfahrt (bärn-betlehem)
-ächt urchig traditionell bärnerisch (erfinder der bernerplatte! http://www.kreuzwohlen.ch/de/speistrank/index.cfm?treeID=31)
www.kreuzwohlen.ch

ä gruess, sam

 

[fluegi]

MINI-träffe si immer cool!

schaun wir mal obs klappet... :devil:


grüessli vom
fluegi :mrelectr:

 

[miniMax]

hallo zäme

ig bi zwar scho lang nümme hiä unterwägs gsi. ha aber hüt ds mail bercho beträffend träff und finde das isch ja cooli idee und we me mi scho afrogt, binig doch gärn derbei.

auso plus 1 cooper S verliebtä Mini fahrer.

mini (meine :reddevil: ) vorschläg wäre:

-träff am ne samstig oder sunntig
-zyt so am mittag einisch zum go ässe
-lieber am tag als am abe, de chame no chli um d'autos stah und fachsimplä, luege und föttelä vorallem :roll:
-was mer mache isch mer gliich, es wird sicher luschtig und lustisch
8O
-region bärn mittel land find ig ok. am bestä am ne ort wo me es guets photoshooting cha mache. ig würd de mis kamera material mitbringe mit drum und da.

es geit aber ja no so lang bis februar, tja d vor fröid isch ja die schönsti fröid.

wünsch euch allne e schöne tag. im seeland ds biel isches wiä immer mega näblig. wäääää

 

[ipluethi]

eh schön

da chöme ja ging meh cho icheluege

wirde de die vorschleg langsam mau afo sammle u zumne chliine buge zämesteue, ine vase gäh und öich als schöns strüüsli präsentiere :mrliquid: u de chöimer dr schönscht vorschlag usezupfe u dä in tat umsetzte

@max
photos si ging guet

stef

ps, aui wo hie ihres interässe kund da hei, wärde natürlech de o agschribe, falls si bis denne eher sälte hie inne si :mrliquid:

 

[housi]

Das isch ja Ume was I mir vorstelle

Chönnt me nid hie oberhalb vo Bärn ume eis zämecho? Villicht sogar ir Autjahreswuche, de häteni drum o na bits Zit u me hät es schöns wiises Schneeteppechleni wom me üserni Mini's cha drufstelle

Das gubti doch e paar schöni Bilder, so mit unschuldigem Wyss drunder

Housi

 

[Yellow Storm]

Ja sali Housi geits dir guät?