i weiss zwar nid was dr ip bewegt, iz plötzlech wider uf hauchdöitsch z schribe, aber wesim wöhler isch drby... :devil: :devil: :devil:
item, z programm füre
26. februar:
träffpunkt wäri
11.30 uhr raststätte grauholz
(die isch optimal, da chame vo beidnä site här cho und über d brügg grad cherä, z. b. für aui vo us richtig bärn-city chöme)
mir würde üs dörte um d tankstell ufdr site richtung bärn besammle.
für aui die wos nid dört härä schaffe, die chöi o diräkt is restaurant cho. i ha ab dä 12 reserviert, und zwar im schüpbärgbeizli. ca. 10 min ab bärn, ligt zwüsche schüpfen und kirchlichdach. ä gnauä bschrib fingetr uf ihrer homepage:
www.beizli.ch
us organisatorische gründ wärä mr aber umnä aamäudig dankbar, sodamitsi de gnue stühel für üs anesteue. u zwar wäris schampar nätt vo öich, wedr das bis am mittwuch 23.2.2005 hie chöntet ineposte. oder e PN a steff oder mi oder es e-mail uf
miniflitzer@gmx.ch
wi gseit, mir mache ou usnahme für nicht-regiönler :devil:
:!: :!: :!: und no öppis wichtigs a aui part-time-forum-user (guests): ou dir sit härzlech iiglade, düet öii aamäudig ineposte. es isch aso nid so, dasmir da sonä iigschwornigi gmeind si, mir kenne üs persönlech o kaum! auso, kener fauschä hemmigä guests und ou aamäudä/verbycho! wird sicher gmüetlech! u es chostet nidmau öppis, mau abgseh vo däm wodr konsumieret :reddevil: :!: :!: :!:
cheers mates!
sam
