giele,
mir hei öich ds danke, denn was wär dä brunch gsi ohni öich? ganz klar es stink normals zmorge vor miss y. und mir, doch mit de herre
blaubär (awäsend)
spaci (awäsend) ize bring nid ging na öppis als merci mit, glich danke :mrliquid:
sirrichi (awäsend)
miniflitzer (churzfrischtig siner 10% abwäseheit izoge het) :mrliquid: :devil:
isches zumene sehr gmüetleche tag worde....
es het punkt zähni agfange, dr spaci isch wie immer dr erscht u wie immer dr überpünktlechi gsi, nach eme churze begrüessigsgeplauder heimer zäme die wermende strahle vor sunne gnosse (und dert het mer der spaci e fläsche überreicht, als merci, u i sägenem zwar hie no eis beschte dank, aber i sägenem ai das es nid netig ischt das mir immer eipis bechemend (isch das dim dialäkt agmässe :mrliquid: ?)). de simer ufe, u während em erschte vo circa einere million kafi isch de dr sirrichie acho, nach wiitere paar minute isch de - völlig überraschend öppe e halb stund früecher als planet - dr blaubi o na iche gschneit.
nun denn hemer üs a tisch gsetzt, bime herrleche panorama, im vickye-stile (insider), bi gipfeli, brötli, kafi, chs, drüminute eier, fleisch u sünschtige feine sache (es het e riisige tisch voller sache gha) dr morge ume egge und i buuch brocht.
am mittag wo mer aui üser ränze vollgschlage hei gha, simer mit üsne outöli ga dr tag gniesse, bi herrlech warme früehligstemperature hei mer e tross vo drüü fahrzüg, ein sehr subere, eim mit offenem sunnedach u eim mit fählender dritter brämslüchte :mrliquid: :devil: :mrliquid: uf u drvo gmacht - üsers ziel isch d'lueg mit ihrem beizli u dene riisige meräng-rahm dessert gsi.
dr blaubi het üs zwar nach dere monschtröse dessertfahrt verlah, doch das het dr räscht vor truppe nid drah ghinderet, bis fascht am sibni na bi üs deheime z'ploudere, viu z'lache nah meh z'käfele u na meh z'ässe.
giele, es fetts merci a öich, es isch doch fägig, so gmüetlechi sunntige z'verbringe u derbi na biz uf die utopischte tuning ideene z'cho
stef
-i ha gschlosse-